|
台灣童謠
天烏烏
天烏烏，欲落雨，舉鋤頭，清水路，
清著一尾鯽仔魚欲娶婦，龜擔燈，
鱉打鼓，田蛜舉旗叫艱苦，
毛蟹擔燈雙目吐，水蛙扛轎大腹肚，
一碗圓仔湯予你補。
天烏烏
天烏烏，欲落雨，人客滿四界，
宰雞雞仔細，宰鴨惡剝離，
買魚天做烏，買肉人禁屠，
買豆菜水裡捊，買豆腐爛糊糊。
天烏烏
天烏烏，不落雨，蕃藷一袋二百五，
討海人真艱苦，船仔停到日半晡，
欲去又烏影，不去又吊鼎，
阿兄講不去，阿嫂訶得行，
大風大水來打拚，掠著一尾三斑魚，
扛到門口呈，阿兄講欲賣，
阿嫂講欲食，蕃藷簽無地糴，
魚仔一大碗，捧著繞饒仔食。
人插花人插花，伊插草；
人抱嬰，伊抱狗；
人未嫁，伊先走；
人坐轎，伊坐畚鬥；
人睏紅眠床，伊睏屎斛仔口。
一陣鳥仔白溜溜一陣鳥仔白溜溜，一條大路透福州，
福州諸婦敖打球，打起有花共有柳，
讓叔仔敖激酒，激去真正厚，
豬哥奔仔敖獵鱟，獵去一個復一個，
老鼠緞仔敖擘蝦，擘去一尾復一尾，
桌嬸仔敖炊粿：炊去一盛復一盛，
遇著箭仔亂使鑽，愛食不敢說，
街頭走到巷仔尾，假無意，假點火，
一手抓籠盛，一手偷提粿，
一塊提在食，一塊揜於大盤尾，
燒一下臭焦合著火，大家笑到歪嘴靦。
一個緣投兄一個緣投仔兄，予婦打生驚，
正月初一日，透早去拜正，
褲穿長短腳，上路坦橫行，
人看真好笑，假愚假無聽，
丈姆看一見，氣到不出聲，
食蚶無剝殼，食肉揀硬背，
酒做一下醉，房間四界拋，
好是丈姆厝，無得食打背。
一的炒米芳
一的炒米芳，二的炒韭菜，
三的沖沖滾，四的少米粉，
五的五將軍，六的攬子孫，
七的七蝦米，八的縖肚綰，
九的倒在蠕，十的倚起來看。
打你千，打你萬，打你一千過五萬，
老鼠仔欲啁就緊啁，不啁給你打到啁。
一放雞
一放雞，二放鴨，三分開，四相貼，
五搭胸，六拍手，七紡紗，八摸鼻，
九咬耳，十摸腳，十一摸土腳，十二攏總捎。
初一早
初一早，初二早，初三睏到飽，
初四接神，初五隔開，初六舀肥，
初七七元，初八完全，初九天公生，
初十有食席，十一請子婿，
十二請諸婦子返來食泔糜配芥菜，
十三關老爺生，十四月光，十五是上元暝。
子呀子
子呀子，彼時娶恁娘，無眼床，
睏踏枋，無棉被，蓋腰裙，
無枕頭，睏草縕，無柴梳，
五爪掄，無蝨篦，墨賊船，
無鏡，照水痕，無茶油，抹清潘。
火金蛄
火金蛄，來食茶，燒燒，
配芎蕉，茶冷冷，配龍眼，
龍眼會花，匏仔換冬瓜，
冬瓜好煮湯，匏仔換粗糠，
粗糠欲起火，九嬸婆仔敖炊粿，
炊到臭焦兼著火。
火金蛄
火金蛄，來食茶，茶燒燒，
配芎蕉，芎蕉冷冷，配龍眼，
龍眼蛀核，來食林菝仔核，
林菝仔核無籽，控你的臭頭疕。
打鐵哥
打鐵哥，應銅鑼，丈母厝，好逸陶，
一哥交、二哥留，請恁三姊仔來梳頭，
梳也光，篦也光，
早早落柑園，柑國柑仔紅熾熾，
頂街下街人打鐵，打鐵響，
街人媳婦也艱難，也欲煮飯食，
也欲擔水洗灶額，也欲掘土去糊壁，
煩惱天未光，煩惱鴨無卵，
煩惱小姑欲嫁無嫁妝，煩惱小叔欲取無眠床。
正月正
正月正，請子婿入大廳。
二月二，宰豬公謝土地。
三月三，桃仔李仔稱頭擔。
四月四，桃仔來李仔去。
五月五，龍船鼓水裡渡。
六月六，踏水車拍碌碡。
七月七，龍眼烏石榴必。
八月八，牽豆藤挽豆莢。
九月九，風吃滿天哮。
十月十，冬瓜糖霜落錢盒。
十一月，人焚火。
十二月，火炊粿。
白翎鷥
白翎鷥，擔畚箕，
擔到溪仔墘，跋一倒，
擷著一隻鴨母。
白翎鷥
白翎鷥，擔畚箕，
擔到溪仔墘，跋一倒擷著一仙錢，
買大餅，分大姨，
大姨嫌無餘，呼雞呼狗來咒詛，
咒詛無，投姆婆，
姆婆去做客，投大伯，大伯去賣龜，
投姊夫，姊夫去賣紙，
投來投去投著我，害我心肝博博彈，
雞母換雞鴽，雞鴽會生卵，
有米兼有飯。
有一個姓布的請恁大家恬恬聽，我來講古予恁聽，
我無欲講大，無欲講細，
也不是講天抑講地，
更加不是遘鱟稀，
也不是欲講飯籬，
是欲講姓布的子弟，
合一隻兔仔將欲起冤家，
請恁大家聽較詳細，
不是我雞機在烏白話。
(口白)：
有一個姓布，手提一疋布，
三步做二步，走到雙叉路，
當錢一千五，復到雙叉路，
為著做投路，擔著一擔醋，
頂街下街來賣醋，賣呀賣，
賣到蕃薯路，看著一隻兔，
趕緊放落醋、去追兔，獵著兔，
遂找無布，氣著遂落褲，
用褲來包兔，這隻兔，真不識禮數，
給我咬破褲，咬到爛糊糊，真可惡，
出手欲獵慢半步，趕緊放落醋、
去追兔，追前追後追整晡，
追一下無適好，偃倒醋，
啊，褲又復咬到爛糊糊，醋潑落地、
沉落土，兔仔走到內山路，
真真氣死彼個姓布。
育女歌一歲兩歲手裡抱，三歲四歲土腳趖，
五歲六歲漸漸大，有時頭燒及耳熱，
七歲八歲真敖吵，一日顧伊兩枝腳，
九歲十歲教針黹，驚伊四界去經絲，
十一十二得打罵，此去得來學做衫，
十三十四學者菜，一塊桌面辦會來，
十五十六欲轉大，驚伊逮人去風花，
十七十八做親情，一半歡喜一半驚。
刺仔花白漂漂刺仔花，開去白漂漂，
年又到節又到，紅紗線，
無半鬮，茶仔油，無半甌，
草花頭，無半蕊，想到心肝較冷水。
和尚弄破鼓和尚弄破鼓，提褲來補鼓，
鼓破褲補，褲破布補，
到底是布補鼓，抑是褲補鼓。
姑仔，你來姑仔，你來嫂仔都不知，
今年田無做、冬無收，
飯籬核韆鞦，鍋藝水裡泅，
欲買蚶，蚶夥土，欲買肉，
遇著人禁屠，欲買菜，遇著掘菜股，
欲買魚，遇著風颱雨，欲買豆腐，
遂生菰，欲買豆簽，爛糊糊，
姑仔，今年妄艱苦，蕃薯簽，
妄來渡，食會落，配菜脯，
等待天公有補所，予恁兄收作一千塊，
宰豬倒羊來相補，
予姑仔你食到牙仔齦齦嘴吐吐。
東旁出日東旁出日牽紅絲，
宰豬昌仔敖宰豬，
宰去灌水好內色，
臭聾矮仔敖剉棺材竹，
剉去十枝九枝好，
曾仔諒敖生虱母，生去打結球，
虎頭的敖擠油，擠去管管滇，
進嬸仔敖賣麵，賣去十碗九碗了，
臭腳和仔敖博繳，輚去十盤九盤輸，
漏屎嬸仔敖做紅龜，做去大細個，
宰豬泉仔敖歕螺，歕去鳴鳴號，
豬仔緞敖宰狗，宰去狗肉芳，
大面炭你敖種蔥，種去十欉九欉起，
元河仔敖量米，量去十鬥九鬥欹，
漏屎叔仔敖剖篾，剖去十條九條溜，
大肚球仔敖獵湖鰍，獵去一篋過一篋
臭聾和尚敖飼鴨，飼去一陣過一陣，
大溪舉刀仔逐因娘，因娘訶救人，
王仔珍舉斧頭剖樹欉，
剖去十欉九欉裂，賕你偷挖壁，
挖去十般九般過手，王仔春敖飲酒
飲去一矸過一矸，王仔諸婦敖哀呻。
阿才阿才、阿才，天頂跋落來，
有嘴齒，無下頦，
有腹肚，無肚臍，
叫先生，叫未來，
叫覡公拖去埋。
喓！喂！喂！臺灣出甜粿，
甜粿真好食，臺灣出木屐，
木屐真好穿，臺灣出鴐鴒，
鴐鴒會講話，臺灣出棉被，
棉被蓋會燒，臺灣出芎蕉，
芎蕉真大排，臺灣出蕃藷，
蕃藷會止飢，臺灣出飛機，
飛機真敖飛，臺灣出鼓吹，
鼓吹歕會響，臺灣出炸彈，
炸彈真厲害，歹人不敢來。
韭菜花
韭菜花，韭菜籽，煮落芳芳芳，
兄呀兄，嫂呀嫂，十七十八欲嫁翁。
嫁何位？嫁錢你錢鳳陽，
繡裙十六幅，繡鞋十六雙，
繡鴛鴦，繡雞公，
做人的雞公早早啼，
做人的媳婦早早起，入大廳，
拭桌椅，入灶腳，洗碗箸，
入繡房，做針黹，譽勞兄，譽勞弟，
譽勞親家親姆敖教示。
挨石磨唏噓挨，篩米篩粟來飼雞，
飼雞欲叫更，飼狗欲守暝，
飼後生欲有孝老父，
飼媳婦欲有孝大姑，
飼諸婦子別人的，
飼大豬當來宰，飼外孫攏不來。
烏面祖師公烏面祖師公，白目眉，
無人給你請，各自來，
一個面是笑咳咳，
笑到一個嘴裂疏疏，
到底笑哈事舉椅頭仔看目眉，
椅頭仔踏無好，跋落來。
草籽仔花草籽仔花，白麗皙，
阮兄 罵我不顧家，
顧了家內無我的，廳裡梳頭嫂也罵，
房裡梳頭嫂也罵，毋免罵、毋免罵，
初一十五就欲嫁，嫁何位？
嫁頂姑知、下姑知，
三年二年才返來，我未嫁，
柑仔未抽心，我返來，柑仔紅沈沈，
挽一粒半路食點心，嫂你頭就欹、
嘴就抿，嫂呀嫂，頭免欹、嘴免抿，
厝前厝後果子我爹栽，
不是嫂仔恁厝張嫁來。
搖大嫁板橋嬰仔搖，搖大嫁板橋，
紅龜軟燒燒，麵線掛過橋，
豬腳雙邊摟，大麵雙碗燒，鼓吹滴答叫。
搖呀搖搖呀搖，湊挽茄，
挽偌多，挽一飯籬，
也有當食，也有當賣，
也有當給阮嬰仔做度晬，
嬰仔哭，阿母無閒當上灶，
嬰仔驚，阿母緊拍尻脊骿，
嬰仔哮哇哇，阿母嘴內就唸歌，
嬰仔哭不恬，阿母直直唸，
唸講欲去阿媽兜，
嫷衫給你穿，嫷帽仔給你戴，
明兒哉，挈你去看戲，
嬰仔無愛哭，阿公講乖巧，
胸前給你結紅包，嬰仔笑咪咪，
阿媽提金含，嬰仔就甜甜甜，
嬰你睏坦坦，阿妗給你掛八仙，
嬰仔嘴靦紅絳絳，阿舅給你結銜鈴，
嬰仔一下怳，阿姨給嬰仔戴烏鼎，
嬰仔吃吃笑，阿母沿路行，沿路搖，
乖乖睏，一暝大一寸，
乖乖惜，一暝大一尺。
新娘新娘水噹噹，褲底破一孔，
頭前開店窗，後壁賣米芳。
暗晡蟬暗晡蟬，哮咧咧，哮哈事，哮欲嫁，
嫁何位？嫁市仔尾，市仔尾無緣投，
嫁水鱟，水鱟水裡泅，嫁石榴，
石榴欲結籽，嫁老鼠，老鼠欲鑽孔，
嫁釣魚翁，釣魚翁欲釣魚，嫁蟾蜍，
蟾蜍欲伏蚊，嫁酒桶，酒桶欲貯酒，
嫁掃帚，掃帚欲掃地，嫁賣雜細，
賣雜細的搖鈴鐺，嫁覡公，
覡公欲讀疏，嫁破布，破布欲補衫，
嫁扁擔，扁擔欲擔草，嫁死狗，
死狗人欲宰，嫁來嫁去，
嫁著一個老秀才。
厲鷂刳風厲鴛刳風欲做颱，娘仔擔水猶未來，
水桶槓破得來箍，不當用糊仔糊，
諸婦子飼大就要嫁，
不當剃頭做尼姑，尼姑清是清、
閒是閒，食白米飯焚柴爿，
無大姑當奉誠，無翁婿出人前，
無男無女扭胸前。
播田仔花播田仔花，開到白如紗，
阮娘罵阮不顧家，家頭家尾無阮份，
十七十八欲見君。
早起遇著一群諸婦倪仔豚，
招阮挽花插頭鬃，紅花又無芳，
芳花又無紅，無愛妝隨去看人。
阿媽掱米叫挨粿，
阿公舉煙吹叫點火，
大嫂叫阮放草去飼牛，
二嫂叫阮扛潘去飼豬，
三嫂叫阮擔籃園內掘薐薯，
叫到亂吵吵。
諸婦子飼大，嫁去別人兜，
山雞水鴨無對頭，
坐於房間內嚶嚶哭，
厝邊嬸婆對阮說：「第一好命你一個
三兄蔭一妹，包穩頭殼頂插金釵」，
予阮聽著目珠輪輪旋，
怨歎父母無發落，諸婦子飼到做姑婆
點叮噹
點啊點叮噹，油少蔥，肉堅凍，
阿公媽，舉鐵槌，摃破水缸甕。
點呀點水缸
點呀點水缸，誰人放屁爛尻川，
點呀點茶鼓，誰人今晚欲娶婦，
點呀點茶甌，誰人今晚來阮兜。
禮生捧牲醴
禮生捧牲醴，禮生鼻，扺著牲醴耳，
舵工食蚣玳，蚣玳殼，鑿著舵工腳。
蟬仔
蟬仔蟬仔哮啥事？愛欲嫁社內，
社內無當食，愛欲嫁木屐，
木屐人欲穿，愛欲嫁鴐鴒，
鴐鴒亂亂飛，愛欲嫁西瓜，
西瓜人欲宰，愛欲嫁秀才，
秀才騎馬走，蟬仔蟬你亟亟哮。
雞呀雞雞呀雞，人欲台你囉，台我做什麼，
台你不生卵，一日生一百，
兩日生一籮，欲台，你台鴨。
鴨呀鴨，人欲台你囉，台我做什麼，
台你不生卵，一日生一垺，
兩日生一廚，欲台，你台牛。
牛呀牛，人欲台你囉，台我做什麼，
台你不犁田，頂區是我犁，
下區是我耙，欲台，你台馬。
馬呀馬，人欲台你囉，台我做什麼，
台你不行路，頂路是我行，
下路是我走，欲台，你台狗。
狗呀狗，人欲台你囉，台我做什麼，
台你不顧厝，頂厝是我顧，
下厝是我行，欲台，你台大豬骿。
豬呀豬，人欲台你囉，台我做什麼，
台你不食潘，食你一寡歹潘，
食你一寡歹泔，欲台，做你台，
欲斬，做你斬。
阿公買玲瓏暗瞇矇，老鼠咬阿公，
阿公提錢買玲瓏，
玲瓏噗噗跳，阿公仔死俏俏。
黑貓黑狗黑貓穿裙無穿褲，黑狗穿褲激拖土，
欲甲黑貓去散步，腳骨那酸坐草埔，
黑貓愛嫁黑狗尪，欲掠白貓做媒人，
是欲是不訂來送，那無黑貓嫁別人。
日出兼落雨
那出日，那落雨，
那剖豬，那翻肚，
尪仔穿紅褲，乞食走無路。
做人媳婦
雞公早早啼，做人媳婦早早起，
入大廳擦桌椅，入灶腳洗碗筷，
入房間做金指，哦老兄哦老弟，
哦老家親母賢教示。
阿草阿草
阿草阿草飼粉鳥，粉鳥會飛換飼雞，
雞未嘀，換去種蕃薯，蕃薯未鬆，
換學爆米芳，米芳定確確，
爆一下歸鼎烏烙烙。
阿藝官阿藝官，真正水，蛤你蘭，
夥雨水，雨水真正多，
大陂尾出毛蟹，毛蟹爬入去，
羅東出葭笥，葭笥真四角，
滬尾出灴麴，紅麴宜朱紅，
三貂嶺出掠人，掠去未過手，
八芝蘭出掃帚，掃帚欲掃地，
臺北出雜細，雜細搖鈴鐺，
枋寮出覡公，覡公欲讀經，
新竹城出牛奶，牛奶真好食，
大坪林出木屐，木屐好拖土，
街尾出烘爐，烘爐好炰炭，
下港出雨傘，雨傘真好舉，
關渡官山大爺，大爺欲辦事，
後出出舂臼，舂臼欲舂米，
海裡出愚魚，愚魚欲曝脯，
後街出諸婦，諸婦真有趁，
媽祖官出路漢，路漢穿破衫，
苦勞間出扁擔，扁擔欲擔甕，
甕仔摃摃破，苦力叫罪過。
乖諸婦子
乖諸婦子，乖諸婦子，
不當哮，新眠床，咿喂哮，
新棉被，無虼蚤，新枕頭，
無油垢，這陣若不嫁，
不當後日罩帕仔巾，隨人矍矍走。
紅田蛜
紅田蛜，紅碲碲，
騎牛騎馬來垃墓，大兄排紅龜，
二兄排牲醴，三兄燒香和點火，
飼牛倪仔圍來挹墓粿，
墓棵分無夠，豆幹鴨卵提來湊。
正月童謠
初一早，初二早，初三睏到飽，初四接神，
初五隔開，初六舀肥，初七七元，
初八完全，初九天公生，初十有食席，
十一請子婿，十二請查某子返來食泔糜配芥菜，
十三關老爺生，十四月光，十五是上元暝。
初一元旦（又稱新正），事先就要依據干支找出當年“開正”的時刻。“開正”的時刻通常很早，有的人家甚至通宵守歲，一等刻到來，就燃放鞭炮，在神佛前擺上各色“甜料”，如紅棗、冬瓜糖、花生糖等。全家老幼一同祀神、祭祖，迎新年的到來。平日信奉某一神祇者，也在春節到所祠之廟燒香禮拜，稱為“行香”。又因鹿港以廟字之多冠全省，平時不燒香的少男少女，也都利用這一天到龍山寺、媽祖廟去拜拜許願。如有登門賀年的賓客時，主人要端出各種甜料、甜茶招待，稱為“食甜”。過去的甜料以紅棗、橘子、冰糖、花生、冬瓜糖及瓜子等四種或六種組成。
客人在“食甜”時，也要即興的說些吉祥話，如“吃紅棗，年年好”，“吃甜甜，大賺錢”、“老康健，食百二，吃個甜，祝您大賺錢！”等等。
為求新春的吉利，也有若干的禁忌要遵守，例如：不掃地，不倒馬桶，不說與死字同音的字，不吃稀飯（以防遠行遇雨），不動用刀鋸（省卻流血事件）忌煎粿，唯恐將年粿煎焦（台語的“焦”字音同赤貧之“赤”字）。忌打破碗盤，若不慎打破，就說“歲歲（碎碎）平安”。蒸年糕時禁用白糖（白色代表喪事），改用紅糖。並忌午睡、男子午睡則田壟必垮，女子午睡則土灶必崩。但由於生活型態的改變，許多的禁忌已逐漸被人忽略了。
俗傳已嫁的女兒若在正月初一歸家，會使娘家變窮，所以要到初二才能回娘家，臺灣稱為“作客”、“返外家（娘家）”。
正月初三，俗稱“赤狗日”，俗信此日不宜外出、宴客。若犯此禁忌，則終生赤貧。所以經過了初一、初二兩天的忙碌後，大家在初三都會睡到日上三竿才起床。正月初三又是俗傳“老鼠娶親”的日子，入夜以後，各家各戶都要提早熄燈就寢，並在家中各處撒鹽、米，稱為“老鼠分錢”。
初四接神，去年臘月廿四日升天奏報的諸神都在初四那天回轉人間。由於要準備接神的供品，飯菜特別豐盛，所以才說“初四頓頓飽”。
初五隔開，表示新正暫告一段落。各商家已正式開張，回復正常營業。
初六挹肥，表示舊時農民于此日開始下田，準備春耕。
初七七元，初八完全據說初七是人類誕生的日子，初八是一切恢復正常的日子。
初九子時後，全家老幼就要齊聚廳堂，由長者上香，向天公行三跪九叩之禮。由於拜天公的祭品極為豐盛，所以到了初十還“有吃食”。
十一日是岳父宴請子婿的日子、俗稱“子婿日”。
十二日女兒歸甯。
十三日連續幾天的魚肉生涯後，就來點清淡的稀飯配芥菜。
十四日開始結燈棚，新年的歡樂就在元宵（十五日）燈火的高潮中劃上一個圓滿的句點。
 |
