當當啊，補雨傘，

金鳥啊，金金看，

看什麼，看海水，

看啊海水淹大山，

雙腳踏馬鞍，

馬鞍載公婆，

公婆面憂憂，

載米載谷去福州，

福州一枝桔，

騎馬去洗衫，

洗啊一領又一領，

泉州女子會補鼎，

補啊一個又一個。

姑媽來，抓雞起來殺，

雞小個，去撈蝦，

蝦小尾，去打粿，

粿沒爛，煮米線，

米線撚不斷，去買蛋，

蛋拱不破，去買著一個破鍋蓋。

安舅來

安舅汝來我呣知，

我嘜掠雞來去刣，

雞猶細，換買蝦，

蝦細尾，換炊粿，

粿無熟，換買肉，

肉抺爛，換面線，

面線長，換買糖，

糖烏烏，換買大魚箍，

甘願做牛，呣驚無犁拖，

誠懇邀請汝，做夥來去踅佚佗。

天烏烏

天烏烏，蔔落雨，

海龍王，蔔娶某，

龜吹蕭，鱉打鼓，

水雞扛橋目吐吐，

田嬰舉旗叫辛苦，

火螢擔燈來照路，

螳螂綴橋穿綠褲。

天烏烏

天烏烏，欲落雨，

鯽仔魚，欲娶某，

魚擔燈，蝦拍鼓，

水雞扛轎大腹肚。

十二生肖相歌

一鼠賊仔名，二牛駛犁兄。

三虎爬山坪，四兔遊東京。

五龍皇帝命，六蛇予人驚。

七馬走兵營，八羊食草嶺。

九猴爬樹頭，十雞啼三聲。

十一狗仔顧門埕，十二豬是菜刀命。

十二生肖

一鼠做頭名，二牛駛犁兄，

三虎爬山崎，四兔遊京城，

五龍皇帝命，六蛇予人驚，

七馬跑兵營，八羊食草嶺，

九猴爬樹頭，十雞啼三聲，

十一狗顧門埕，十二豬真好命。

烏頭仔車

烏頭仔車，車甘蔗，

頂頭坐一個阿舍。

流鼻蚵，掛目鏡，

腹肚枵，坐未正，

跋落來，哀哀痛。

西北雨

西北雨，直直落。鯽仔魚，欲娶某。

鮕代兄，拍鑼鼓。媒人婆，土虱嫂。

日頭暗，尋無路。趕緊來，火金姑。

做好心，來照路。西北雨，直直落。

西北雨，直直落。白鷺鷥，來趕路。

翻山嶺，過溪河。尋無巢，跋一倒。

日頭暗，欲怎好。土地公，土地婆。

做好心，來帶路。西北雨，直直落。

點仔點

點仔點水缸，啥物人仔放屁爛尻川，

點仔點茶甌，啥物人仔下暗欲來阮兜，

點仔點茶鼓，啥物人仔下暗欲娶某，

點仔點茶叮噹，啥物人仔下暗欲嫁翁，

點仔點鉛筆，啥物人仔欲做白賊七，

點仔點滾水，啥物人仔就去做鬼。

撿泥湫

羞羞羞，賣湖溜，

羞羞羞，未見笑，

人插花， 伊插草，

人抱嬰， 伊抱狗，

人未嫁， 伊先隨人走，

人坐轎， 伊坐破糞鬥，

人困紅眠床， 伊困屎學仔口。

月光光

月娘月光光，

外嬤疼外孫，

阿舅見我來，

趕緊上街去買菜，

阿妗嫌我捷捷來，

阮是愛看外嬤太，

那無三年都呣來。

催眠曲

嬰仔卡緊困，

阿母要擔糞，

唔唔眠，唧唧困，

一暝大一寸。

催眠曲

搖啊搖，搖到外媽橋，

橋下浮水瓢，橋頂榕樹搖。

搖嬰仔歌

嬰仔嬰嬰睏，一暝大一寸；

嬰仔嬰嬰惜，一暝大一尺，

搖子曰落山，抱子金金看，

你是我心肝，驚你受風寒。

嬰仔嬰嬰睏，一暝大一寸；

嬰仔嬰嬰惜，一暝大一尺，

一點親骨肉，愈看愈心適，

暝時搖伊睏，天光抱來惜。

嬰仔嬰嬰睏，一暝大一寸；

嬰仔嬰嬰惜，一暝大一尺，

同是一樣子，那有兩心情，

查甫也著疼，查某也著晟。

嬰仔嬰嬰睏，一暝大一寸；

嬰仔嬰嬰惜，一暝大一尺，

細漢土腳爬，大漢欲讀冊，

為子款學費，責任是咱的。

嬰仔嬰嬰睏，一暝大一寸；

嬰仔嬰嬰惜，一暝大一尺，

畢業做大事，拖磨無外久，

查甫娶新婦，查某嫁丈夫。

嬰仔嬰嬰睏，一暝大一寸；

嬰仔嬰嬰惜，一暝大一尺，

痛子像黃金，晟子消責任，

養到恁嫁娶，我才會放心。

正月童謠

初一早，初二早，初三困到飽，

初四接神，初五隔開，

初六舀肥，初七七元，

初八完全，初九天公生，

初十有食席，十一請子婿，

十二請查某子返來食泔糜配芥菜，

十三關老爺生，

十四月光，十五是上元暝。

正月童謠

初一早，初二巧，

初三困到飽，初四頓頓飽，

初五隔開，初六挹肥，

初七七元，初八原金，

初九天公生，初十有食食，

十一請囝婿，十二查某囝轉來拜，

十三食泔糜仔配芥菜，十四結登棚，

十五上元瞑，十六拆燈棚。

天頂一塊銅

天頂一塊銅，

嘮嘍來貢著人，

人寐跑，貢著狗；

狗寐吠，貢著舀；

舀寐舂，貢著宮；

宮寐起，貢著椅；

椅寐坐，貢著被；

被寐蓋，貢著鴨；

鴨寐台，貢著老秀才；

老秀才，會讀書，

人情世事，八占占，八占占。

天上一塊銅

天上一塊銅，落下拱著人，

人帝走，拱著狗，

狗帝吠，拱著對，

對帝樁，拱著宮，

宮帝起，拱著椅，

椅帝坐，拱著被，

被帝甲，拱著鴨，

鴨帝殺，拱著老秀才，

秀才帝讀書，拱著老啊伯，

啊伯吃煙吹，拱著老飛（爸），

老飛穿馬褂，拱著鄉裏老大，

老大穿長衫，拱著古花壺，

花壺拱一破，紅銅煞四散。

天上一塊銅

天上一塊銅，落來“摃”著人，

人在跑，摃著狗，

狗了吠，摃著“對”，

對了征，摃著宮，

宮了起，摃著椅，

椅了坐，摃著被，

被了甲，摃著鴨，

 鴨了刣，摃著關刀和麵牌，

面牌舉了弄， 糕對粽，

粽無熟，去打肉，

肉了粩，去買觀世音佛祖，

佛祖大小仙， 去買“猴齊天”。

一根竹子水內浮

一根竹子水內浮，

阿兄叫我去牽牛，

大只小只我［勿會］牽，

阿兄叫我去掠蟶，

大粒小粒我［勿會］掠，

阿兄叫我穿木屐；

大雙小雙我［勿會］穿，

阿兄賺錢自己用，

阿嫂無錢真“僥倖”，

阿母生囝無“路用”。

老鼠仔

老鼠仔，鑽桌腳，

一眠到光堯堯動，

一隻一隻想偷吃，

人人看到，都寐抓。

小老鼠（普通話譯）

小老鼠，鑽桌下，

一夜到天亮蠢蠢動，

一隻一隻想偷吃，

人人看到，都要捉。

一的抄米香

一的抄米香，二的抄韭菜，

三的強強滾，四的抄米粉。

五的五將軍，六的六子孫，

七的蚵仔飼麵線，

八的講伊蔔分一半，

九的九嬸婆，十的撞大鑼。

打你千打你萬，打你一千零五萬，

羞羞羞袂見笑，猜輸唔甘願，

玩輸起蝦龜，唔甘願起蝦龜，

我蔔來去投老師，投老師。

一年仔倥倥

一年仔倥倥，二年仔孫悟空，

三年仔吐劍光，四年仔愛膨風，

五年仔上帝公，六年仔閻羅王，閻羅王。

晟子歌

一歲二歲手底抱，三歲四歲土腳趖。

五歲六歲漸漸大，有時頭燒和耳熱。

七歲八歲真敖吵，一曰顧伊二隻腳。

九歲十歲教針黹，驚伊四界去庚絲。

十一十二看撲馬，就去給伊學作衫。

十三十四學煮菜，一塊桌面辦會來。

十五十六要轉大，驚伊和人去風花。

十七十八作親成，一半歡喜一半驚。

晟子歌

一歲兩歲手裡抱，三歲四歲塗跤脞。

五歲六歲漸漸大，有時頭燒佮耳熱。

七歲八歲真爻吵，一曰顧伊兩支跤。

九歲十歲教針黹，驚伊四界去經絲。

十一十二著拍罵，此去著那學做衫。

十三十四學煮菜，一塊桌面辦會來。

十五十六蔔轉大，驚伊綴人去風花。

十七十八做親情，一半歡喜一半驚。

大頭旺仔一粒珠

大頭旺仔伊都一粒珠，相打唔認輸。

夯竹篙托金龜，金龜一下飛。

哎喲大頭旺放風吹，風吹斷了線。

大頭旺仔傢夥，哎喲去一半。

大箍呆

大箍呆哎喲白目眉，

無人請你就家己來，

來來大箍呆炒韭菜，

燒燒一碗來，冷冷阮無愛，

大箍呆炒韭菜，

燒燒一碗來，冷冷阮無愛，

大箍呆，到今你才知，到今你才知。

正月正

正月正，請子婿入大廳。

二月二，宰豬公謝土地。

三月三，桃仔李仔稱頭擔。

四月四，桃仔來李仔去。

五月五，龍船鼓水裡渡。

六月六，踏水車拍碌碡。

七月七，龍眼烏石榴必。

八月八，牽豆藤挽豆莢。

九月九，風吃滿天哮。

十月十，冬瓜糖霜落錢盒。

十一月，人焚火。
十二月，火炊粿。

正月正

正月鼓仔燈，

二月“拾”花生，

三月醃豆芽，

四月賣麻茶，

五月來裹粽，

六月仙草凍，

七月印經衣，

八月賣蔴糍，

九月放風箏，

十月“拾”稻屑，

十一月賣草席，

十二月賣粿葉。

正月正

正月正，聽見跋繳聲。

二月二，老土地。

三月三，桃仔李仔雙頭擔。

四月四，桃仔來，李仔去。

五月五，西瓜排甲滿街路。

六月六，頭家落田拍碌碡。

七月七，龍眼烏，石榴必。

八月八，牽豆藤，挽豆莢。

九月九，風吹滿天吼。

十月十，人收冬，頭家倩長工。

十一月，年兜邊，家家戶戶人搓圓。

十二月，換新衫，來過年。

韭菜花

韭菜花，韭菜籽，煮落芳芳芳，

兄呀兄，嫂呀嫂，十七十八欲嫁翁。

嫁何位？嫁錢你錢鳳陽，

繡裙十六幅，繡鞋十六雙，

繡鴛鴦，繡雞公，

做人的雞公早早啼，

做人的媳婦早早起，入大廳，

拭桌椅，入灶腳，洗碗箸，

入繡房，做針黹，譽勞兄，譽勞弟，

譽勞親家親姆敖教示。

拍手歌

掩銅鑼，陳三哥，

四嬸婆，扛交椅，

摘仙桃，仙桃甜，

龍眼換荔枝，荔枝九點紅，

仔婿打丈人，丈人喝一起，

仔婿走去避，

避到山，燒伊山，

避到厝，拆伊厝。

拍手歌

一顯恢人仔，二先抱嬰仔，

三先修理補雨傘，四先乞食無來看，

看啥咪，看海水，

海水淹大山，雙腳雙手立馬鞍，

馬鞍好ＸＸ，倒來看公婆，

公婆光溜溜，倒來去福州，

福州福斜斜，倒來買菜補，

買一個水查某。

拍手歌

天烏烏，欲落雨，

人客滿四界，宰雞雞仔細，

宰鴨惡剝離，買魚天做烏，

買肉人禁屠，

買豆菜，水裏撫，

買豆腐，爛糊糊。

拍手歌

天烏烏，欲落雨，

番薯一斤二百五，

討海人，真艱苦，

船仔停個歸半晡，

欲去又烏影，毋去又吊鼎，

啊兄講毋去，啊嫂喝著去，

大風大雨來拍拼，

晾著一尾三斑魚，扛到門口埕，

啊兄講欲賣，啊嫂講欲食，

番薯簽無地散，魚仔一大碗捧冽瞄瞄看。

拍手歌

爬啊爬，爬啊爬，

鹹菜浸土蝦，刺瓜一目生雙個，

老鼠飼大是貓耶，查某仔飼大是別人耶。

拍手歌

一的炒你蔥，二的炒你菜，

三的鏘鏘滾，四的炒米粉，

五的五將軍，六的人子孫，

七的七娘媽，八的人的兒，

九的狗奴才，十的押去屠。

玩笑顛倒歌

有雲共無影，燈芯搵油托破鼎。

椅仔無腳家已行，青盲開車去縣城。

烏龜賽跑頭一名，老鼠甲貓結親情。

允痀歡喜向天行，跛腳踢球逐擺贏。

腳踏車會倒退行，一下舂倒一座城。

玩笑顛倒歌

哎喲叮叮噹當，

叫汝買菜汝買蔥，叫汝開門汝開窗。

叫汝拁椅汝拁枋。叫汝行西汝行東，

叫汝填窟汝開空，叫汝娶某汝娶翁。

叫汝攑扇汝送火熥，叫汝燃火汝鑽灶空。

玩笑顛倒歌

人客汝來我歡喜，拁椅汝坐椅腳折。

煎茶汝啉茶鈷裂，葫飯汝食缺笊籬。

貯飯汝食無飯匙。捧菜汝配找無碟。

攑箸汝挾箸奇折，舀湯汝啉欠湯匙。

補雨傘

噹噹噹，補雨傘，大家眾人圍來看。

看甚乜？看海水。

海水淹上山，雙腳踏馬鞍。

馬鞍好佚佗，騎馬拜公婆，

公婆有靈聖，囝孫得人疼。

拍鐵哥

拍鐵哥，印銅鑼。陳三哥，四嬸婆。

拁交椅，挽仙桃。仙桃甜，挽荔枝。

荔枝樹尾紅，挽來請丈人。

丈人阿咾好，阿兄毛阿嫂。

阿嫂水吻吻，乾家瞈抱孫。

換礱挨崎嶇

換礱挨崎嶇，刣雞請阿舅。

阿舅食無了，刣雞請客鳥，

客鳥食了了，蔔各添，扇嘴邊；

蔔各貯，扇嘴卑頁。

戽蝦戽蛟蚤

戽蝦戽蛟蚤，戽仔三升兩米鬥。

大尾掠來科，細尾放伊走。

走仔開元口，拄著一隻胡獅狗。

胡獅狗，戇戇吠，賊的偷摕碓。

碓蔔舂，賊的偷拆宮。

宮蔔起，賊的偷拁椅。

椅蔔坐，賊的偷撚被。

被蔔蓋，賊的偷掠鴨。

鴨蔔叨，賊的偷攑刀。

刀蔔截，賊的偷褪笠。

笠卜戴，賊的挵破鼻。

搖阿搖

搖阿搖，搖到內山去挽茄，

挽若多，挽夠一飯籬，

也好吃，也好賣，也好給嬰兒做度晬。

心肝寶貝

月娘光光掛天頂，嫦娥置那住，

你是阮的掌上明珠，抱著金金看，

看你度晬，看你收涎，看你底學行，

看你會走，看你出世，相片一大卡。

輕輕聽著喘氣聲，心肝寶貝子，

你是阮的幸福希望，斟酌給你晟，

望你精光，望你知情，望你趕緊大，

望你古錐，健康活潑，毋驚受風寒。

鳥仔風箏，攏總會飛，到底為什麼，

魚仔船隻，攏是無腳，按怎會移位，

日頭出來，日頭落山，日頭對叨去，

春天的花，愛吃的蜂，伊是置叨位。

鳥仔有翅，風箏有線，才會天頂飛，

魚仔有尾，親像行船，希望著愛找，

日頭出來，日頭落山，日子安呢過，

花謝花開，天暗天光，同款的問題。

安波賊

安波賊，號雷雷，

號麼賈唚麼，唚麼冷喼喼，

號麼賈奶機，來機莫地買，

號麼賈老親婆仔的卡倉配。

揖嘍揖

揖船揖米下雙溪

溪也深，海也深，

海裏立觀音，

觀音嶺，鷓鴣仔，

猴公帶猴仔，

猴仔去釣水雞，

釣給公仔賣，

賣幾錢，賣十錢，

吃紅米，撮紅圓，

吃飽飽，爬上天

安古渣

吼呷呷，吼要嫁，

嫁樹尾，樹尾無刀呢，

嫁海邊，海邊無綠豆，

嫁水侯，水侯未水仇，

嫁石榴，石榴未結籽，

嫁老鼠，老鼠未挖康，

嫁釣魚翁，釣魚翁未釣魚，

嫁蟾蜍，蟾蜍未侯莽，

嫁額酒桶，額酒桶未額酒，

嫁掃帚，掃帚未掃地，

嫁雜且，雜且嘿玲瓏，

嫁西公，西公未念經，

嫁奶，奶要吮，

嫁卵，卵要剝，

嫁書，書要讀，

嫁墨，墨要磨，

嫁籮，籮要擔，

嫁衫，衫要穿，

嫁虹，虹子虹溜溜。

財仔財

財仔財！對天頂跋落來；

有目珠，無肚臍；

有喙齒，無下頦；

叫醫生，叫袂來；

叫司公，扛去埋。

阿財！阿財！厝頂跋落來；

有喙齒，無下頦；

叫醫生，叫袂來；

叫土公，拖去埋。

秀才！秀才！

在馬頂，跋下來；

跋一下，真厲害；

嘴齒痛，糊下頦；

目珠痛，糊目眉；

腹肚痛，糊肚臍；

嘿！真厲害。

金龜

金龜金龜頭趄趄，

匿佇樹頂咧啄居。

金龜金龜，細粒頭，圓身軀。

白鷺鷥

白鷺鷥，車糞箕，車到溪子墘，

跌一倒，拾到一仙錢。

白鷺鷥，車糞箕，車到溪仔墘，

跌一倒，拾到一仙錢，拾到一仙錢。

羞羞羞

羞羞，羞羞羞，提藍仔撿雨鰡。

羞羞，羞羞羞，提藍仔撿雨鰡。

攏總撿幾尾，哎喲，

攏總撿兩尾啦，攏總撿兩尾。

一尾煮來吃啊嘖嘖，一尾糊目睭啍啍，

羞羞，羞羞羞。

打馬膠

打馬膠，粘著跤，

叫阿爸，買豬跤，

豬跤箍仔，滾爛爛，

飫鬼囡仔流喙涎。

放雞鴨

一放雞，二放鴨，

三分開，四做堆，

五搭胸，六拍手、

七圍牆，八摸鼻，

九揪耳，十抾起。

新娘仔

新娘水噹噹，褲底破一空；

頭前開米店，後壁賣米香；

米香無人買，跋落尿礐仔底。

掩咯雞

掩咯雞，走白蛋，隨你食，

哎喲隨你纘，

咯雞仔囝，哎喲覓密密。

老鼠仔囝偷做賊，一支刀咧一支劍，

蔔走唔走，唔通哮，唔通哮。

搖仔搖

搖仔搖仔搖荖搖，

搖到內山去挽茄，

挽若多？挽到一飯蘺，

也好食，也好賣，

也好互嬰仔做度睟。

搖啊搖

搖啊搖，

豬跤雙爿撩，

大麵雙碗燒，

肉丸炒胡椒，

蒜仔炒魚鰾，

蔔睏著放尿，

出門著坐轎。

台灣出甜粿

喂、喂、喂，台灣出甜粿。

甜粿真好食，台灣出木屐。

木屐真好穿，台灣出鵁鴒。

鵁鴒會講話，台灣出棉被。

棉被甲會燒，台灣出芎蕉。

芎蕉真大枇，台灣出蕃薯。

蕃薯會止飢，台灣出飛機。

台灣真爻飛，台灣出鼓吹。

鼓吹真爻陳，台灣出炸彈。

炸彈真厲害，歹人唔敢來。

草螟弄雞公

雞公想欲阿伊都啄草螟，

認為小隻啊伊都好創治，

草螟偏偏啊伊都不驚伊，

戲弄予伊呀伊都氣半死呀伊都，

那哎唷啊伊都氣半死。

草螟弄雞公

草螟仔弄雞公，雞公披搏跳，

尖嘴啄無啊伊都小草螟，

氣到強強啊伊都要半死，

像草螟啊伊都會秉變，

這款做法呀伊都才有理呀伊都，

那哎唷啊伊都才有理。

草螟弄雞公

草螟仔弄雞公，雞公披搏跳。

要學草螟啊伊都小精靈，

著愛認清啊伊都看乎明，

不敬雞公啊伊都佇面前，

伶俐活咷呀伊都好本領呀伊都，

那哎唷啊伊都好本領。

一群小鳥飛過牆，

看見別人娶新娘，

想起自己三十幾，

碗筷沒人來洗被。

戽蝦戽蛟蚤，戽甲三升五米鬥。

大尾掠來科，西尾放伊走。

走到大門口，遇著一隻鬍鬚狗。

捶羅捶孔琴，孔琴彎，

彎下路，下路一支香，

擔水養鴛鴦。

彎下彎，柳下柳，

一陣鳥仔飛來飛過去，

飛去紅厝廳，門鉤鎖匙貼您兄，

您兄要等船，船頭一支旗，

船尾娶細姨，細姨愛插花，

插甲淉落溪。

威人畏怾窟，殺雞請引舅，

引舅吃沒了，剩一個雞腳抓，

乎乞丐吃了了，吃了要擱添

給老公扇嘴邊，

扇甲一邊紅一邊青。

紅柑起來補雨傘

紅柑起來補雨傘，大家眾人圍來看。

看什麼？看海水，海水淹上山，

雙腳踏雙蹬，雙手抱馬鞍。

公婆面憂憂，騎馬去泉州。

泉州查某拍皮球，福州查某無流求。

放雞鴨

一放雞，二放鴨，

三分開，四相疊，

五搭胸，六拍手，

七圍牆，八摸鼻，

九扭耳仔，十拾起，

來啊！來啊，

放雞鴨，雞仔鴨仔，

走相拍。

天烏烏

天烏烏，卜落雨，江魚蔔娶某，

紅瓜怨歎乞噮誤，

毛蟹煩惱行橫步，

花鰷鑽土嫌艱苦，

一隻歡喜逐只苦，

同齊走去告媽祖，

媽祖氣甲無法度，

罵江魚一水肥，

迄時著入人腹肚。

天烏烏

天烏烏，要落雨，

安公仔舉鋤頭巡水路，

巡著一尾鯽仔要娶某，

龜擔燈，蛇打鼓，

田嬰扛轎喊艱苦，

水雞舉旗攢八肚。

臘蘇開花蒼又蒼

臘蘇開花蒼又蒼，勸子讀冊愛用功。

少年若唔勤苦讀，老來讀冊難又難。

苦瓜開花黃又黃，送子送到書房門。

儉食儉穿乎子讀，做子愛知母難當。

草仔青青正出芽

草仔青青正出芽，制服青青是學生。

我是學生真正好，唱條歌仔教大家。

新歌仔，真好聽。聽見飛驚我唔驚，

猛猛躲到大樹下，唔嚷唔哭唔出聲。

大箍呆

大箍呆，炒韭菜，

燒燒一碗來，

冷冷我無愛。

坐牛車

坐飛機看天頂，

坐大船看海湧，

坐火車看風景，

坐汽車錢卡省，

坐牛車順續挽龍眼。

月光光

月娘月光光，老公仔佇菜園，

菜園掘松松，老公仔欲種蔥，

蔥無芽，欲種茶，茶無花，欲種瓜，

瓜無子，老公仔氣甲欲死。

老鼠仔幹

老鼠仔幹，牽來牽去上大山，

大山無馬草，牽到婆仔因門口，

婆仔去做客，撞到因大伯，
大伯賣面龜，撞到因姐夫，

姐夫賣粗紙，撞到伊，撞到我，

害我心肝撲撲彈，雞母換雞爛，

雞爛面烏烏，叫狗咬安姑，

火金姑

火金姑，跤落塗，

坐我船，拍我鼓，

吃我稱（冷）米糜（粥），

配我鹹菜脯。

火金姑

火金姑，來食茶，

茶燒燒，配芎蕉，

芎蕉冷冷，配龍眼，

龍眼蛀核，來食那仔拔，

那仔拔全全子，力死囝仔痞。

火金蛄

火金蛄，來食茶，茶燒燒，

配芎蕉，茶冷冷，配龍眼，

龍眼會開花，匏仔換冬瓜，

冬瓜好煮湯，匏仔換粗糠，

粗糠欲起火，九嬸婆仔敖炊粿，

炊到臭焦兼著火。

火金姑

火金姑，來食茶，

茶燒燒，來食香蕉，

香蕉冷冷，來食龍眼，

眼淜淜，來食芭樂，

芭樂結子，咬一嘴，落嘴齒。

火金姑

火金姑來食茶，

茶燒燒，食根蕉。

根蕉冷冷，食龍眼。

龍眼愛撥殼，換來食藍菝仔，

藍菝仔全全籽，

害阮食一下落喙齒，

害阮食一下落喙齒。

阿嫲的話

做人的新婦著知道理

晚晚去困早早起

又擱煩惱天未光

又擱煩惱鴨無卵

煩惱小姑欲嫁無嫁妝

煩惱小叔欲娶無眠床

做人的新婦著知道理

晚晚去困早早起

起來梳頭抹粉點胭脂

入大廳拭桌椅

踏入灶腳洗碗著

踏入秀房秀針黹

做人的新婦擱也艱苦

五更早起人嫌晚

燒水洗面人嫌熱

白米煮飯人嫌鳥

氣著剃頭做尼姑

若是娶著彼落歹新婦

早早著去困

晚晚擱不起床

透早若是加伊叫起

面臭臭

頭鬃又擱背塊肩胛頭

柴屐又擱拖塊胛脊後

起來罵大官是老柴頭

瘦醜仔

瘦醜仔猴，鼻那流，

食芎焦，配土豆，

食西瓜，配菜頭，

毋是吐，著是漏。

天上一塊銅（普通話譯文）

天上一塊銅，

掉下來砸到人，

人要跑，砸到狗；

狗要吠，砸到舀；

舀要舂，砸到宮；

宮要建，砸到椅；

椅要坐，砸到被；

被要蓋，砸到鴨；

鴨要殺，砸到老秀才；

老秀才，會讀書，

人情世故，都知道，都知道。

月公公

月公公，秀才郎，

騎馬仔，過三唐，

三唐經，過垵英，

垵英牛，牛哞哞，

剳著雞，雞血流，

剳著猴，猴要

剳著經，經要起，

剳著椅，椅要坐，

剳著被，被要甲，

剳著鴨，鴨要殺，

剳著死奴才，

死奴才，不挑水，

抓去拆作四五腿。

龍眼幹

龍眼幹，煎一半，

人點燈，你來看。

看什麼？看新娘，

新娘懸抑下，娶某拜老爸。

老爸無穿襖，娶某拜兄嫂。

兄嫂沒穿裙，娶某拜龍船。

龍船浮浮飛，娶某拜西鍋。

西鍋嗆嗆滾，肉炒筍。

炒爛爛，一人分一捾。

炒脆脆，一人分一塊。

草蜢公

草蜢公，穿紅裙，

要倒去？要等船，

船呢？船破去了，

船沛呢？船沛燒灰，

灰呢？灰種番薯，

番薯呢？番薯飼大豬，

大豬呢？大豬賣錢，

錢呢？錢娶某，

某呢？某在東門外，

無錢無銀湯去娶。

老鼠仔幹

老鼠仔幹，牽來牽去上大山。

大山無馬草，牽到婆仔因門口，

婆仔去做客，撞到因大伯。

大伯賣面龜，撞到因姐夫。

姐夫賣粗紙，撞到伊，撞到我。

害我心肝撲撲彈，雞母換雞爛。

雞爛面烏烏，叫狗咬安姑。

三國故事謠

單刀赴會，二嫂過關，

三戰呂布，四別徐庶，

五關斬將，六出祈山，

七擒孟獲，八卦陣圖，

九伐中原，十戰群儒。

食品謠

一枝春，二鍋頭，

三合面，四色菜，

五香包，六（搦）菜酸，

七珍梅，八寶飯，

九重粿，十（雜）菜湯，

百壽龜。

藥名謠

一見喜，二陳湯，

三仙丹，四物湯，

五味子，六神丸，

七厘散，八卦丹，

九（久）熟地，十全大補丸，

百壽丹。

地名謠

一峰書，二郎巷，

三聖宮，四腳亭，

五塔巷，六井腔，

七裏庵，八尺嶺，

九史巷，十字街，

十八挖，廿四間，

百源川。

破扇謠

破扇引清風，拍死蚊仔公。

破扇呣值錢，暫用一半年。

破扇在我手，清風自然有。

汝笑我破扇，我笑汝空手。

泡茶經

茶葉雜路用，提神、止渴、治百症。

泡茶也有經：

先“關公巡城”，後“韓信點兵”。

品茶評茶有學問，看色、鼻芳、比喉韻。

繞口令

屋北鹿獨宿，溪西雞齊啼，

紅柑殼塞著涵空腹，涵空腹塞著紅柑殼。

白鼓補白布，烏布補烏鼓。

烏鼓補白布，白布補烏鼓。

銅釘釘銅板，銅板釘銅釘。

銅釘綴等釘銅板，銅板單等銅釘釘。

狗仔甲猴仔過溝仔，猴仔驚狗仔跋溝仔。

猴仔攑鉤仔鉤狗仔，狗仔綴猴仔過溝仔。

雞呀雞

雞呀雞，人欲台你囉，台我做什麼，

台你不生卵，一曰生一百，

兩曰生一籮，欲台，你台鴨。

鴨呀鴨，人欲台你囉，台我做什麼，

台你不生卵，一日生一垺，

兩日生一廚，欲台，你台牛。

牛呀牛，人欲台你囉，台我做什麼，

台你不犁田，頂區是我犁，

下區是我耙，欲台，你台馬。

馬呀馬，人欲台你囉，台我做什麼，

台你不行路，頂路是我行，

下路是我走，欲台，你台狗。

狗呀狗，人欲台你囉，台我做什麼，

台你不顧厝，頂厝是我顧，

下厝是我行，欲台，你台大豬骿。

豬呀豬，人欲台你囉，台我做什麼，

台你不食潘，食你一寡歹潘，

食你一寡歹泔，欲台，做你台，

欲斬，做你斬。

黑貓黑狗

黑貓穿裙無穿褲，黑狗穿褲激拖土，

欲甲黑貓去散步，腳骨那酸坐草埔，

黑貓愛嫁黑狗尪，欲掠白貓做媒人，

是欲是不訂來送，那無黑貓嫁別人。

樹頂一隻猴

樹頂一隻猴，

樹下一隻狗。

猴跋落來，磅著狗。

猴亦狗亦走。

唔知猴驚狗，

抑是狗驚猴。

一隻猴子

一隻猴仔挈一些猴仔去溝仔，

一些猴仔跋落溝仔，

一隻猴仔返去提鉤仔來鉤猴仔。

落大雨

落大雨，透大風，

天烏地暗打雷公，

門口積滿水，有路行勿通。

香蕉

香蕉叢，秀球紅，

開花花二十一，
二五六，二五七，

二八二九三十一

教你歌

教你歌，教你路頭路尾予狗拖；

教你曲，教你路頭路尾予狗逐。

水蛙仔子

水蛙仔子，出世肚大大，

嘴闊闊，田中央，起厝滯，

水蛙仔子，無人教，自然會唱歌。

永呀永

永呀永，肚臍發龍眼，

欲食各自揀，不食囥桌頂。

一陣鳥仔白溜溜

一陣鳥仔白溜溜，一條大路透福州，

福州諸婦敖打球，打起有花共有柳，

讓叔仔敖激酒，激去真正厚，

豬哥奔仔敖獵鱟，獵去一個復一個，

老鼠緞仔敖擘蝦，擘去一尾復一尾，

桌嬸仔敖炊粿：炊去一盛復一盛，

遇著箭仔亂使鑽，愛食不敢說，

街頭走到巷仔尾，假無意，假點火，

一手抓籠盛，一手偷提粿，

一塊提在食，一塊揜於大盤尾，

燒一下臭焦合著火，

大家笑到歪嘴靦。

挨呀挨

挨呀挨噓噓，抬雞請阿舅；

阿舅吃無了，剩一隻雞腳爪；

互嬰仔食無夠，置在後尾門仔嗎嗎哮。

挨呀挨，篩米篩粟飼閹雞；

飼雞好叫更，飼狗好吠暝；

飼後生，養老父，飼查某仔別人兮。

點仔點水缸

點仔點仔點水缸，

啥乜人仔放屁爛跤尻。

點仔點仔點茶甌，

啥乜人仔今晚卜來阮兜。

點仔點仔點茶壺，

啥乜人仔今晚蔔娶某。

點仔點仔點叮噹，

啥乜人仔今晚蔔嫁尪。

點仔點仔點水缸，

啥乜人仔放屁爛跤尻。

點仔點仔點書包，

啥乜人仔今晚卜來阮兜。

點仔點仔點鉛筆，

你若是歹囝仔才做白賊也。

點仔點仔點紛紛，你是英雄好漢去做軍。

煎耳爹

一年級煎耳爹，

二年級捧出賣，

三年級買一塊，

四年級想要買，

被五年級推入屎坑底，

六年級撈起來洗。

點仔膠

點仔膠黏著腳，

叫阿爸買豬腳，

豬腳箍滾爛爛，

飫鬼囝仔流嘴瀾。

排骨仔隊

阮就是排骨仔隊，汝嘛是排骨仔隊；

胸坎若樓梯，腹肚若水櫃，

雙手金光錘，兩枝腳草蜢仔腿；

人人攏叫阮是排骨仔隊。

秀才騎馬弄弄來

秀才秀才騎馬弄弄來，

佇馬頂跋落來，跋一下真厲害，

喙齒疼，糊下頷，

目睭疼，糊目眉，

腹肚疼，糊肚臍，

嘿真厲害。

金龜

金龜金龜頭趄趄，

匿佇樹頂咧啄居，

金龜金龜，細粒頭，

圓身軀，匿姑揣。

耕農歌

（華語）

一年容易又春天，翻土播種忙田邊，

田裡秧苗油綠綠，家家戶戶蔔豐年。

東鄰荷鋤上山岡，西鄰趕牛下池塘，

哥哥犁田嫂播種，汗珠如雨滿衣裳。

牧童晚歸把歌唱，閃爍星星半隱藏，

今天做完今天事，且看織女對牛郎。

（台語）

一年過了又一年，冬天過了又春天，

田底稻仔青見見，今年定著是豐年，

水牛赤牛滿山埔，看牛囝仔唱山歌，

青年男女犁田土，頂坵下坵相照顧。

安童哥買菜

安童哥仔羅，我一時有仔主意，

匆匆走伊都匆匆去，

上街到菜市彼羅菜籃叮仔當耳噢。

安童哥仔羅，

雙腳行入到菜市擱開嘴叫一聲！

頭家仔！目周眨眨攝，

東平看過來又擱西平看過去，

舉一目噯唷看一見，

彼羅肥豬肉、肥志志噯唷瘦的紅記記。

我安童開嘴就問起，

這羅一斤是要外仔錢？

殺豬兄就應伊，

肥的一斤五角二彼羅瘦的一斤六元四噢，

安童哥仔羅，我實在有束打，

擱順煞買螺肉，返來去煮瘦肉，

錢甲伊用給伊乾，

順煞買豬腳，買鴨腳、買雞腳。

安童哥我水雞善魚鱉伊各項嗎甲意，

又擱背未去 煞結帶掩卷仔叮噹耳，

噯唷東邊撞過來又擱西邊撞過去噢。

安童哥我 安童買菜真正賢，

味素買返來滲湯頭，

罐頭酒彼羅五加皮，

麥仔酒是要吃熱天，

趕緊買買背背返來去羅，安童哥仔羅。

行船歌

女：歡喜船入港，隔曰隨開航。

　　共君來相送，我君行船人。

男：行船看水時，時到袂延遲。

　　為著度三頓，咱今著分離。

女：一位過一位，何曰再做堆？

　　目睭看江水，看君船行開。

男：行船真艱苦，無風著搖櫓。

　　海水闊莽莽，何時返故土？

女：一路船順風，我君好開帆。

　　君恁若有力，妹阮心輕鬆。

男：風吹共水走，袂得通出頭。

　　有命轉回鄉，無命跟水流。

女：聽君只言語，妹阮心傷悲。

　　佛祖相保庇，平安無代志。

男：此去遠千里，呣知轉底時。

　　離別惡相見，想著喉就滇。

女：一山過一山，無人通做伴。

　　哥恁海邊走，妹阮心頭掛。

男：行船人拖磨，無時通快活。

　　風雨無遮閘，規曰走著外。

合：行船無兜何，翁某常拆散。

　　離別目屎流，一曲行船歌。

覽爛查某歌

……

覽爛查某呆骨格　行路親像幼子把

未到椅仔就蔔坐　未到眠床目就螺

覽爛查某無梳妝　終日食飽顧眠床

厝內全然無併斷　倒落一醒到天光

覽爛查某極貪眠　所做失頭無認真

頭毛不時格滿面　終日顧嘴不顧身

覽爛查某極濫離　不時頭鬃格如如

一日三當無愛煮　倒落眠床成大豬

覽爛查某格食困　衫褲穿到變煙唇

行路腳帛伴過崙　春夏秋冬全無分

覽爛查某無路用　倒落眠床無翻平

卜食不作一慘症　終日食飽顧房間

覽爛查某真是慘　出門不驚腳帛淡

不時頭毛格滲滲　三百六日無舉針

覽爛查某上無救　不時頭毛格秋秋

恰如春天望冬壽　一年省有五斤油

覽爛查某頭無梳　不時腳帛拖塊初

腳有穿鞋無鞋底　胸前牽牛好來犁

覽爛查某烏腳仝　歸年不八梳頭鬃

厝內全無顧半項　椅桌親像屎學枋

覽爛查某上無改　不時腳帛淡一蛙

厝內幾間全無洗　腳桶長浸腳帛鞋

覽爛查某無驚凶　不時頭毛成棕葺

三百六日食困重　親像死人無回陽

覽爛查某袂見少　破鞋不八穿甲朝

比彭寒天崙龜鳥　真正呆柴不可調

覽爛查某無準長　頭鬃不八梳到光

半埔即蔔煮早飯　格到日罩即開門

覽爛查某上無變　苦無二冥困相連

無共恁尪顧體面　看汝一辨大了然

覽爛查某不整理　不驚恁尪去現世

單尪隻某汝自己　亦無三子共五兒

覽爛查某行未到　頭鬃格背巴隻頭

不驚天光共日罩　二枝腳腿成柴糟

覽爛查某無拵後　格甲煮食即梳頭

一下起火格大灶　格到火炎四面流

覽爛查某無好貨　未曾洗鼎格炎火

閱歷算來亦久未　也敢許人煮物配

覽爛查某格穿插　格到煮飯即縛腳

亦無洗手菜就炒　炒甲刀火兼臭乾

覽爛查某無路益　有物煮到半生熟

鼎內無水幹焦倍　算來亦是小可火

覽爛查某上無救　格到六月穿破裘

縛腳又閣無洗手　雙手拿水來做油

覽爛查某真溫吞　鼎內無水幹乾群

乎人食著嬌甲悶　水扛無水用臭奔

第一覽爛汝這號　切菜用手無用刀

煮到歸叢共歸抱　鼎內無水放火刀

覽爛查某格天體　食飽無想蔔岸家

褲腳穿到腳目下　終日腳筒不八白

……

陳三磨鏡

迄時磨鏡是陳三，就整鏡擔共扁擔；

圓帽褪落換尖帽，錦衣褪落換布衫。

手嫺鐵板搖三聲，直去九郎厝前行；

恁厝有誰蔔磨鏡，勞恁共阮問一聲。

黃厝一叫嫺益春，看見磨鏡笑吻吻；

阮娘一牙照身鏡，真久無磨像暗雲。

師父請入坐大廳，等阮共娘問一聲；

看伊蔔磨也是呣，出來相辭汝則行。

益春入內報五娘，磨鏡師父在外廂；

小姐若卜選頭對，磨鏡師父對五娘。

益春假怣笑吻吻，五娘一時想著君；

五娘呣信偷閃看，果然生水十二分；

假意越頭罵益春，磨鏡乜有好郎君。

五娘蓮步出大廳，益春抱鏡隨後行；

陳三見娘接一禮，五娘接禮無做聲。

五娘越頭無看伊，卻無親像磨鏡兒；

蔔是前曰馬上使，近前問伊便知機。

五娘就問磨鏡兄，師傅貴姓乜大名？

真名實姓共阮說，呣免度我去探聽。

陳三說度五娘聽，小人家住泉州城；

阮爹陳織親名字，蔔來潮州求親情。

名叫伯卿年十八，又名叫做陳三兄。

娘仔汝是聰明女，呣通度我來空行。

五娘越頭講磨鏡；卜著實說則會成；

人說買賣先講價，過後加話無好聽。

將阮寶鏡磨仔白，工錢卜挃阮偌牙？

陳三開嘴就應伊，呣通說仔蔔挃錢；

阮來磨鏡有主意，無蔔趁錢返鄉裏。

寶鏡蔔磨免煩惱，阮有工夫免驚無；

泉州荔枝著樹尾，潮州荔枝樓頂落。

五娘做人本驚事，聽說荔枝心就茹；

又各想起心喜歡，伊是富貴人囝兒；

今旦磨鏡是用計，就叫益春去捧茶。

益春捧茶去請伊，看伊身邊有荔枝；

益春返身共娘說，有阮荔枝著身邊。

海豐出了彭湃公

一

咚咚咚！

騎馬過海豐，

海豐出了個彭湃公。

就象南海出金龍！

咚咚咚！

海豐出了個彭湃公。

少爺唔做做“田仔”，

氣死伊個財主老祖宗！

二

咚咚咚！

海豐出了個彭湃公。

局長唔做做會長，

分田燒契人罵瘋。

咚咚咚！

彭湃唔是瘋。

田地本是田仔個（的），

要叫田仔變田公！

三

咚咚咚！

烏紅旗派刮得凶，

田園發草路生刺。

孤兒寡婦目哭紅。

咚咚咚！

幸得來了彭湃公。

尋著苦藤惜苦瓜，

牽兄認弟弟認兄。

四

咚咚咚！

農民兄弟手牽手，

烏紅旗派變農會，

田仔從此心相通。

咚咚咚！

田仔跟著彭湃公。

要將窮根全挖盡，

要叫天地盡變紅！